Ondarroako merkatu txikiko salmentek gora egin dutela adierazi du Zatoztek
Neguko eskaintzen merkatu txikia egin zuten Ondarroako dendariek Itsasaurreko Plazan domekan [martxoak 8]. Aurreko merkatuarekin alderatuz, azkena “hobea” izan dela nabarmendu du Eva Aranbarri Zatozte elkarteko ordezkariak. “Salmentei eusteaz gain, zer edo zer igo egin dira. Elkartetik oso balorazio ona eta positiboa egin dugu. Asko saldu zen, eta gustura geratu gara denok”.
Aranbarriren iritziz, eguraldi onaren eragina “berebizikoa” izan zen salmentak igotzeko. Izan ere, eguraldia lagun dendak goizetik iluntzera arte irekita egon ziren. “Argi dago eguraldiak asko laguntzen duela horrelako ekimenetan ere. Jende asko ibili zen kalean, eta merkatu txikian ere erosle asko ikusi zen. Merkatariak, oro har, gustura geratu dira egon diren salmentekin”.
Herritarrak eskaintzak ikusten
