3.000 lagun behar dira Bermeon oihalak betetzeko
Bermeoko Gure Esku Dago herri mugimenduko kideek 2015erako dituzten helburuen berri eman zuten barikuan egindako aurkezpenean. Data garrantzitsu bat nabarmendu zuten, ekainaren 21a, hain zuzen. Egun horretara begira, 3.000 herritarren laguntza beharko ...
Bermeoko Gure Esku Dago herri mugimenduko kideek 2015erako dituzten helburuen berri eman zuten barikuan egindako aurkezpenean. Data garrantzitsu bat nabarmendu zuten, ekainaren 21a, hain zuzen. Egun horretara begira, 3.000 herritarren laguntza beharko dutela aipatu zuten.
Ekainaren 21ean «etorkizunaren jostunak bihurtuko gara», esan zuten. Egun horretan hainbat herritan jasotako atxikimenduez osatutako hautestontzi erraldoia egiteko eman beharreko pausoen berri eman zieten bertaratutakoei.
Hautestontzi erraldoi hori oihalekin bete beharko da. Oihal bakoitza 20 zatitan banatuko dute, eta herritarrek gura dutenarekin bete ahalko dute bere zatia: «hitz bat, esaldi bat, marrazki bat… bakoitzak gura duenarekin, eta bakarka zein taldeka bete daiteke». Bermeon 150 oihal betetzeko erronka jarri dute; hortaz, 3.000 lagunen parte hartzea eskatzen du, «pertsona batek ezin ditzake-eta bi oihal zati hartu».
Oihal zati bat hartzen duen herritarrak, bestalde, Saretu txartela jasoko du. Parte hartu gura duenak Kabidxera jo beharko du eguenetan eta barikuetan, 18:30etik 20:30era edota zapatuetan 12:30etik 14:00etara.
Aurkezpena Jostunak dokumentala ikusten amaitu zuten.
Ekainaren 21ean «etorkizunaren jostunak bihurtuko gara», esan zuten. Egun horretan hainbat herritan jasotako atxikimenduez osatutako hautestontzi erraldoia egiteko eman beharreko pausoen berri eman zieten bertaratutakoei.
Hautestontzi erraldoi hori oihalekin bete beharko da. Oihal bakoitza 20 zatitan banatuko dute, eta herritarrek gura dutenarekin bete ahalko dute bere zatia: «hitz bat, esaldi bat, marrazki bat… bakoitzak gura duenarekin, eta bakarka zein taldeka bete daiteke». Bermeon 150 oihal betetzeko erronka jarri dute; hortaz, 3.000 lagunen parte hartzea eskatzen du, «pertsona batek ezin ditzake-eta bi oihal zati hartu».
Oihal zati bat hartzen duen herritarrak, bestalde, Saretu txartela jasoko du. Parte hartu gura duenak Kabidxera jo beharko du eguenetan eta barikuetan, 18:30etik 20:30era edota zapatuetan 12:30etik 14:00etara.
Aurkezpena Jostunak dokumentala ikusten amaitu zuten.
