Gizonezko bat atxilotu dute Mutrikun ibilgailuen ispiluak apurtzeagatik
Herrizaingo Sailak jakitera eman duenez, domeka [martxoak 15] goizean 26 urteko gazte bat atxilotu zuten Eibarko Ertzain Etxeko ertzainek Mutrikun. Herrizaingo Sailaren arabera, herrian aparkatuta zeuden hainbat ibilgailuen atzerako ispiluak apurtu zituen gazteak.
Domekan, 08:30ak aurretik, pertsona bat Mutrikuko kiroldegi ondoan aparkatuta zeuden ibilgailuen atzerako ispiluak apurtzen zebilenaren abisua jaso zuen Ertzaintzak. Ertzain etxeko patruila auto bat gertaeren tokian agertu zen, eta zortzi autok kalteak agertzen zituztela frogatu besterik ez zuen egin. Denek ere kanpoko ispiluak apurtuta zituzten.
Kiroldegiaren inguruetan miatzen ibili ziren ertzainak, eta kalteak eragin zituen deskribapenarekin bat zetorren gizonezko batekin topo egin zuten. Gizonezkoak ispiluak berak apurtu zituela onartu eta gero, momentuan bertan atxilotuta eraman zuten, kalte delitu bategatik. Astelehenean [martxoak 16] epailearen aurrean deklaratu zuen atxilotuak.