Mozal legearen aurkako manifestazioan parte hartzera deitu du Ernaik
“Mozal legea delinkuentziari aurre egiteko beharrezko neurri bezala saldu nahi izan digute, baina lege horrek oldarraldi neoliberalen aurreko erresistentzia eta sistemaren aurkako erantzun politiko oro ezabatzea du helburu”, dio Ernaik. Euren arabera, lege horrek “gure etsaiak babesten ditu”.
Ernaik jakitera eman duenez, “etengabeko mehatxu eta erasoen ostean, borroka soziala ezbatzeko beste neurri errepresibo bat baino ez da legea”. Errealitate horren aurrean, Ernaiko kideek mozala ebakitzeko hautua egin dutela diote. Horrela, barikuan [apirilak 17], Bilboko Moyua plazatik abiatuko den manifestazioan parte hartzera dei egin diete herritarrek.
Funtsean, Mozal legeak ondoko neurriak ekarriko ditu:
Mozal legearen aurka Ondarroan egindako ekintza. Argazkia: Ernai
- Espazio publikoa mobilizatzeko erabiltzea isunez zigortuko da. Bereziki gogor zigortuko da Kongresu edo Parlamentuen aurrean manifestatzea.
- Protesta egiteko eraikinetara igotzea isunekin zigortuko da. Beraz, debekatuta egongo da pankartak jartzeko inora igotzea, edo bizardunena bezalako ekimen desobedienteak.
- Poliziak grabatzea delitu izango da. Horrez gain, inork ezingo die oihu egin…
- Bankuak edo bestelako eraikin batzuen okupazioa zigortua izango da. Inork ez ditzala interes kapitalistak ez arriskuan jarri, ezta molestatu ere! Era berean, zerbitzu publikoen bulegoetan eginez gero (lanbide, hezkuntza delegaritza…), gure protestek dirutza bat suposatuko digute.
- Etxe-kaleratzeak saihestea delitu izango da. Debekatuta egongo da norbaiten etxebizitzarako oinarrizko eskubidea babestea.
