Toxuk eta Markexak irabazi dute Beikoziniko II. Mus Txapelketa

2015/04/15

Beikozini mus zaleez bete-bete egin zen. Argazkia: Beikozini

Aurreko asteburuan Ondarroako Beikozinik Mus txapelketa antolatu zuen bigarrenez. Antolatzaileek adierazi dutenez, iaz baino jende gehiagok parte hartu zuen sariketan. Guztira, 43 bikote aurkeztu ziren txapela lortzeko asmoagaz. Oro har, giro onean elkartu ziren zapatuan [apirilak 11] lehian ari ziren bikoteek, eta Beikozini mus zaleez bete-bete egin zen. Kanporaketak jokatu eta gero, Donato Lasarte ‘Toxu’k eta Markexak osatutako bikoteak Perry eta Mikelen aurka jokatu zuten final handia.

GIZARTEA. KULTURA. Ondarroako Beikozinin II. Mus Txapelketa antolatu du. Argazkian, bikoteak jokatzen

Ezkerretik eskumara: Mikel, Markexa, Toxu eta Perry. Argazkia: Beikozini

Azkenean, txapela eta 400 euroko diru saria Toxuk eta Markexak eskuratu zuten. Perry eta Mikel, ere, ez ziren esku hutsik bueltatu etxera; 200 euroko saria jaso zuten. Hirugarren eta laugarren sailkatuek, aldiz, 100 euro eta 50 euro eta bi ardo botila jaso zituzten, hurrenez hurren.