Xabier Lizasok umeentzako musika ikuskizuna eskainiko du Mutrikun
Izeba tekla izeneko musika ikuskizuna eskainiko du etzi pianojoleak, 18:30ean, Mutrikuko Zabiel kultur etxean. Ikuskizuna Mutrikuko Udaleko kultura sailak antolatuta dago eta doan izango da. Saioa «dinamikoa eta arina» dela diote.
Ikuskizuna Lizaso pianojoleak eskainiko badu ere, bera ez da izango protagonista. «Haurrak eta musika dira protagonista», diote ekoizleek. «Haurrek musika eta pianoa bera oso modu dibertigarri eta didaktikoan deskubrituko dute ikuskizunari esker. Saioaren helburua jolasaren bidez umeak musikara iristea da».
Zehatz esateko, ikuskizunean bost jolas egingo dira, bakarkakoak, taldekoak, entzun beharrekoak, arreta lantzekoak… Hori bai, batean zein bestean, elkarrekiko errespetua izango da oinarria. «Hori ezinbestekoa izango da».
Ikuskizuna abestuz amaituko dute parte hartzaileek, kontzertu moduko bat itxuratuz. Eta modu horretan, alegia, abesten, joango dira etxera herritarra.
