Aurrerak garaipen garrantzitsua lortu du Zaldupen
Gipuzkoako Lurraldeko Ohorezko mailako liderrek urrezko hiru puntu garrantzitsu lortu zituzten zapatuan jarraitzaileez betetako Zaldupe zelaian. Xepe Gallastegiren mutilek ondo baino hobeto eutsi zioten partida garrantzitsuari, eta azken puntu horiekin hirugarren mailarako txartela gero eta hurbilago dute.
Aurrerako nagusiek asko sufritu behar izan zuten garaipena lortzeko. Momentu batzuetan talde lasartearra nagusi izan bazen ere, etxeko taldeak egindako behar onak saria izan zuen partida amaitzean; Aritz Solabarrietaren bi golei esker, 2-1 irabazi zuten norgehiagoka.
Hasierako minutuetatik partida gogor hasi zuten aurkariek; erasoan azkar ibili ziren eta lehenengo zatiko lehen bi gol aukerak Ostadarrentzat izan ziren.
Aurrerak, ostera, ez zuen bere jokoan etsi, eta lehen zatia amaitzeko gutxi falta zenean, Lopezen atean lehen gola sartu zuten 36. minutuan; area barruan urruntze bat erdiratu ostean gola sartu zuen Aritz Solabarrietak. Markagailuan aurrea hartuta amaitu zuten etxekoek lehen zatia.
29. jardunaldiko garaipena eta gero, Gallastegiren taldeak igoera gero eta hurbilago du. Datu guztien arabera, Tolosak Usurbilen aurka galdu eta gero, ligako lehen postuetatik urrundu da, eta Ondarroako eta Aretxabaletako taldeen artean dago orain lehia. Biak ala biak, liga hasieratik goiko postuetan mantendu dira eta azken jardunaldiko garaipenen ostean, ondarrutarrek 8 puntuko abantaila mantentzen dute.
Hurrengo jardunaldia Bergararen aurka jokatuko du Aurrerak. Bergararrak sailkapen taularen azpiko postuetan daude 26 puntugaz. Horrela ba, bi taldeek hil ala biziko partida jokatuko dute Agorrosin futbol zelaian.
Gipuzkoako lurraldeko ohorezko maila. Sailkapen taula
1. postua. Aurrera; 67 puntu
2. postua. Aretxabaleta; 59 puntu
3. postua. Tolosa; 52 puntu
4. postua. Hernani; 50 puntu
Gallastegik zelairatutako 11koa. –Goian: Adrian, Aritz, Jon Burgoa, Sarasua, Uribesalgo eta Unai Urkiri. –Behean: Gasturu, Olabarria, Esnal, Laka eta Arufe. Argazkia: Leartigol
Atzelarien erantzun ona
Atsedenaldiaren ostean, Aurrera indarberrituta bueltatu zen zelaigunera, eta handik bost minututara Ostadar taldeko Lopez atezainaren urruntze baten ostean, bigarren gola egitea lortu zuen 11. zenbakidun Solabarrietak. Bigarren gola eta gero, etxeko taldea zertxobait lasaituago ibili zen, eta aurkariek jokoa mendean hartu bazuten ere, Aurrerako atzeraliek ondo erantzun zuten. Partida amaitzeko zazpi minuturen faltan, aurkariek partidako lehen tantoa lortu zuten. Jabi G.-k erdiratze baten ostean buruz sartutako gola eta gero, Zaldupen urduritasuna nagusitzen hasi zen, baina Aurrerak ez zien beste gol aukerarik eman bisitariei, eta horrenbestez, hiru puntuak etxean geratu ziren.
Julen Uribesalgo Aurrerako jokalaria baloia kontrolatzen zapatuko partidan. Argazkia: Aurrera
5. postua. Anaitasuna; 46 puntu
