Euskal pilota ezagutzeko aukera izan dute umeek Lekeition
Seigarren multikirol topaketak egin dituzte LH 1 eta 2ko umeek, Akarregi pilota taldearen laguntzagaz. Argazkia: Lekeitioko Udala
Domekan egin ziren, aurtengo ikasturteko seigarren Udal Multikirol Topaketak. Oraingoan, Akarregi Pilota taldearen laguntza izan dute. 10:30tan hasita 13:00ak arte iraun zuen topaketak, eta LH 1 eta 2ko hogei ume inguruk parte hartu zuten, giro ederrean murgilduta.
Udal multikirol proiektuak, herrian dauden kirol aukera guztiak ezagutzeko aukera eman nahi die umeei. “Umeak kirol taldeetan banatu ordez, kontrako logika aplikatu dugu: herriko kirol taldeak gure proiektura ekarri eta umeek kirol denak ezagutzeko aukera izan dezaten”, azaldu dute.
Hurrengo topaketa maiatzaren 17an egingo da Marierrota Boleibol taldeagaz. Ikasturteko azken topaketak berriz arraun eta skate-aren inguruan izango dira: Isuntza Arraun elkarteak eta Ranpa Bako eskate taldeak prestatuko dituzte topaketak.
