Ondarroako Berrialagunek 1.000 euro jaso ahal izango dituzte
Berriak bultzatuta eta Zatozte Ondarroako Dendari Elkarteak, Kide enpresak eta Ondarroako Udalak lagunduta, Erosi Ondarroan Berriaren eskutik kanpaina abian ipini dute.
Gaur [apirilak 30], aurkeztu dute akordioa bertan parte hartu duten eragileek. Bertan izan dira: Martxelo Otamendi Berriako zuzendaria, Agurtzane Arrizabalaga Zatozteko lehendakaria, Kepa Iturraran Kideko lehendakaria eta Argia Ituarte Ondarroako alkatea.
Maiatzaren 4tik 15era, Ondarroako Berrialagun diren denda eta tabernetan erosteak 1.000 euroko saria izan dezake. Egun, herriko ia 40 saltoki eta taberna dira Berrialagun, eta horietan bezeroak egiten duen erosketa bakoitzeko txartel bat jasoko du. Txartel hori norbere datuekin beste ostean, saltokian bertan egongo den kutxatila batean sartu besterik ez da egongo.
Maiatzaren 16an, saltoki eta taberna guztietan jasotako txartel guztien artean zozketa egingo da. Irabazleak Berrialagun diren saltoki horietan 1.000 euro gastatzeko txekea jasoko du.
Era berean, Berrialagun egin diren saltokiek ere izango dituzte euren abantailak. Maiatzaren 16an, herritarren artean egingo den zozketaz gain, publizitatean 1.000 euro zozkatuko dituzte.
Argia Ituarte (Ondarroako alkatea), Kepa Iturraran (Kideko lehendakaria), Martxelo Otamendi (Berriako zuzendaria) eta Agurtzane Arrizabalaga (Zatozteko lehendakaria)
