Lur gaineko sokatira txapelketako lehen postuetatik urrun dabil Mutriku
Euskadiko lur gaineko 680 txapelketa bere azkenetara heltzen ari da. Aurreko asteotan bi jardunaldi jokatu eta gero, bihar [maitzak 16], 17:30ean, Deban jokatuko dute finala hainbat taldetako tiralariek; horien artean izango dira Mutriku Sokatira Taldeko kideak.
Puntuazioari dagokionez, Berriatuan eta Bilbon jokatutako jardunaldiak eta gero, atzeko postuetan dabiltza mutrikuarrak. Bietan, bina puntu lortu dituzte, eta sailkapen nagusian atzetik Gaztedi C dute bakarrik.
Arrietak entrenatzen duen taldeak, kide berri asko ditu aurten, eta ez da batere erraza izango lehenengo postuetan ibiltzea.
Oraingoz, bosgarren postuan daude Mutriku Sokatira Taldeko kideak, baina zaila baldin bada ere, bihar laugarren postua lortzeko ahaleginetan ariko dira.
Txapelketa lortzeko faboritoei dagokionez, Gaztedi A eta Goiherri A arteko dema oso estua aurreikusten da. Hala ere, Goiherrikoak aurretik dira 11,5 punturekin; Gaztedi A taldeak baino puntu bat gehiago dute.
Mutriku Sokatira Taldeko kideak, entrenamenduan
