80 mendizalek egin dute Etxebarriko X. Mendi Ibilaldia
Eguraldi kaskarra egin zuen domekan, hala ere, 60 mendizalek irten zuten 07:30ean Etxebarriko Plaza Barritik. Gogotsu eta euriari aurre egiteko prest irten ziren 6 ordu inguruko ibilaldia egitera.
Arno inguruak oso labankor eta amaierako jaitsiera basaz beteta aurkitu zuten, baina ibilbidea oso gustokoa izan zen partaideen iritziz.
Ibilaldi Laburrean, ostera, 20 mendizalek hartu zuten parte. Hiru bat orduko ibilbide guztian euria egin zien, hala ere, ume zein nagusiak oso gustora ibili ziren Etxarte, Arrixa, Ibargun eta Barenda inguruetan zehar.
Ibilaldiak iraun bitartean, erakusketa txiki bat ere jarri zuten ETX kultur elkartekoek frontoian. Emilio Hernandok , Tximist-Everest 80 igo zuenean erabilitako arropa eta eskalatzeko tresnak egon ziren ikusgai bertan. Horretaz gainera, partaideen eta Tximist-80 ko argazkiak ere ikusgai jarri zituzten.
X. Mendi Ibilaldiko parte hartzaileak. Argazkia: ETX
Emilio Hernandok , Tximist-Everest 80 igotzeko erabilitako arropa eta eskalatzeko tresnak. Argazkia: ETX
