Koldo Arriola gogoratuko dute Ondarroan, bere hilketaren 40. urteurrenean
Ondarroako Garraxika (Ondarroako Errepresioaren Biktimen Ahotsa) elkarteak antolatuta, domekan [maiatzak 24] Koldo Arriola Arriola zena omenduko dute, “herriak garai hartan zer gertatu zen gogoratu eta jakin dezan”.
Hain zuzen ere, domekan 40 urte beteko dira gazte ondarrutarra Guardia Zibilaren kuartel aurrean hilik agertu zela. “Imanol Oruemazagak bere hilketari buruzko testigantza liburua (Koldo Arriola. Ondo lotutako hilketa baten istorio beltza bezain sakona) idatzi zuen, eta hark beti esan ohi du Arriola hil zuten tokian bertan plakaren bat ipini beharko litzatekeela. Egun, ez dago Guardia Zibilik herrian, eta hilketaren 40. urteurren egunean bertan omenaldia egitea aproposena zela iruditu zaigu”, azaldu dute Garraxikako kideek.
12:30ean hasita, ekitaldi xumea egingo dute Maskulo Etxearen aurrean. Bertan izango dira, beste beste, Arriolaren senideak, lagunak eta Oruemazaga ere. Horiez gain, herriko hainbat eragileri eta talderi gonbidapena luzatu diete Garraxikak eta hantxe egotea espero dute. “Memoria historikoa gogoratuko dugun egun horretan ondarrutar guztiak parte hartzera gonbidatzen ditugu”.
Arriola zena gogora ekarriko dute haren ingurukoen berri emanaz, eta horrez gain, bertsolariek eta dantzariek agurra eskainiko diote. Era berean, gertaera hura gogoratzen duen plaka Guardia Zibilaren kuartel ohiaren aurrean ipiniko dute, espaloian. “Plaka eraikinean bertan jartzeko ez dugu baimenik lortu. Mozioa sartu dugu udalean, eta berau onartu ostean, eraikinaren pareko espaloian plaka jartzeko baimena lortu dugu”.
Arriolaren heriotza “kolpe ikaragarria eta samingarria” izan zen ondarrutarrentzat. 18 urteko gazte ondarrutarra hil zutela 40 urte igaro badira ere, herritarrek gogoan dute gertaturikoa.
Zer gertatu zen inork ez baldin badaki ere, “egoera ikaragarria” izan zela gogoratzen dute ondarrutarrek. “06:00etan poltsa batean sartuta hilerrira eraman zuen zaborra eramaten zuen kamioiak”. Zelestina Arriola, Koldoren amak esan legez, bere semea “bi aldiz” hil zioten, “bizia kendu lehenik, eta ohorea lapurtuz gero”. Gurasoek ez zuten inoiz semeari gertaturikoari buruz erantzunik izan.
https://www.youtube.com/watch?v=IRRkzQn-E6E#t=22
Imanol Oruemazaga Koldo Arriolari buruzko liburua argitaratu zuenean
Egoera ikaragarria
1975eko maiatzaren 23an Koldo Arriola eta beste bi lagun 34 diskotekara bidean Guardia Zibilaren kuartel aurretik igaro zirenean, guardia zibil batek kuartel barrura sartzeko agindua eman zion Arriolari. Handik gutxira tiro bat entzun zen, eta lagunek espaloi gainean lurrean hiltzen ikusi zuten. Hurrengo egunean, haren gurasoek euren semea hil egin zenaren deia jaso zuten.
Arriolaren heriotza “kolpe ikaragarria eta samingarria” izan zen ondarrutarrentzat. 18 urteko gazte ondarrutarra hil zutela 40 urte igaro badira ere, herritarrek gogoan dute gertaturikoa.
Zer gertatu zen inork ez baldin badaki ere, “egoera ikaragarria” izan zela gogoratzen dute ondarrutarrek. “06:00etan poltsa batean sartuta hilerrira eraman zuen zaborra eramaten zuen kamioiak”. Zelestina Arriola, Koldoren amak esan legez, bere semea “bi aldiz” hil zioten, “bizia kendu lehenik, eta ohorea lapurtuz gero”. Gurasoek ez zuten inoiz semeari gertaturikoari buruz erantzunik izan.
https://www.youtube.com/watch?v=IRRkzQn-E6E#t=22 
