Lekeitioko herritarrek "herri garbiagoa eta lan aukera gehiagorekin" nahi dutela dio EAJ-k
Lekeitioko EAJko alkategai Koldo Goitiak eta haren lantaldeak Lekeitioko 360 etxetara deitu zuten joan den astean. Kanpainaren helburua herritarren beharrizanak eta kezkak zuzenean jasotzea zen. Eta herritarrek erantzundakoaren harira, EAJk herriak “enplegua sortzeko eta azpiegitura publikoak mantentzeko” inbertsioak egin behar dituela dio. “360 dei egin genituen eta herritarrei herriak zeintzuk hobekuntza behar dituen galdetu genien. Erantzuna aho betekoa izan zen: herri garbiagoa eta lan aukera gehiagorekin. Zaila da pertsona guztiengana iristea. Horregatik, batzuetan, nahikoa da telefono dei bat egitea jendeak zer nahi duen jakiteko”, azaldu dute.
Goitiarentzat eta haren lantaldearentzat “argigarria eta positiboa” izan da herritarren kezkan horiek direla jakitea. “Gure gobernu-programa estu loturik dago lekeitiarren egiazko beharrizanekin. Jaso ditugun eskakizun guztiak (ekonomikoak, sozialak, hezkuntza rlokoak edo ingurumenari lotuak, gure proposamenetan daude jasota”.
Koldo Goitia, herritarrei deiak egiten.
Koldo Goitia: “Gure gobernu-programa estu loturik dago lekeitiarren egiazko beharrizanekin”Herritarrak, oro har, herriak duen itxurarekin ez daudela pozik dio Goitiak. “Galdetutako herritarrek argi adierazi dute ez daudela batera pzoik herriak duen itxurarekin eta garbitasun ezarekin”. Horren aurrean, Lekeitioren “desaktibatze ekonomikoaz” kezkatuta daudela diote. “Herriko kaleen itxura ona berreskuratzeaz gain, solaskide izan ditugun pertsonen eskaera nagusia lana da, lan aukerak izatea eta inbertsioa eta industria erakartzeko ahalegina egitea”. Goitiaren esanetan, herritar gehienek herriko lan egoera zaila dela-eta kezkatuta daude. “Enpresa asko itxi dituzte eta ez da inor etorri haien lekukoa hartzera”. Eta alor ekonomikoan murgilduta, EAJk dionez, herriko merkataritzaren eta osalaritzaren gainbehera ere aipatu dute herritarrek. “Herritarrek diote horrek eragin nabarmena eta berehalakoa dauela turismoan”.
Alor ekonomikoan, EAJk dionez, herriko merkataritzaren eta osalaritzaren gainbehera ere aipatu dute herritarrek; “Lekeitio hilda dagoela esan digute, eta hori tristea da”, dio Goitiak“Lekeitio hilda dagoela ere esan digute batzuk, eta hori oso tristea da”, dio Goitiak. Azpiegiturei dagokienez, hainbat udal azpiegitura egoera txarrean daudela esan dute herritarrek: eskola publikoa eta kiroldegia, esaterako. Halaber, ludotekan plaza gehiago jartzea eta aisialdirako gune estali bat ipintzea ere eskatu dute. “Gazteentzako alkoholik gabeko diskoteka bat egitea ere eskatu dute batzuk”. Gizarte alorrean, etxebizitza sozialak eraikitzeko laguntzak eman behar direla eta adinekoei laguntza handiagoak ematen behar zaizkiela jaso dute jeltzaleek. “Hirigintza alorrean, esaterako, herritar askok esktu dute Uribarren parkea hobetzeko, bai eta zirkulazioaren kontrola eta eremeu jakin batzuetako zarata kontrolatzeko ere”.
Babes ofizialeko etxebizitzak egiteko laguntzak eta adinekoei laguntza gehiago ematea eskatu diete herritarrek jeltzaleei. Udala osatzen dutenak urrun ikusten dituztela ere esan diete eta borondatea edukitzeko eskatu diete, “guztien onerako”Udala osatzen dutenak “oraindik ere urruneko” ikusten dituztela esan diete herritarrek. “Lankidetzan jarduteko borondatea eskatzen digute, guzion onerako diren proiektuak aurrera atera ahal izateko”. Interesik ez. “Herritar askok adierazi dutgute ez dutela inolako interesik politikan, eta, hain zuzen, batzuk ez dute erantzun ere egin nahi izan.
