Zapatuan egingo dute Ziortzako kontzertuen lehen emanaldia

Lea-Artibai eta Mutrikuko Hitza

2015/05/27

Duela bi urteko emanaldi bat

Asteburu honetan bi saio egingo dituzte. Zapatuan Algarabia ahots eta musika tresnako taldearen kontzertua egongo da Ziortza-Bolibarko kolegiatan, eta domekan, berriz, Andres Cea organo jotzailearen emanaldia egongo da ikusgai. Bi kontzertuak 18:00etan hasiko dira. Algarabia lan-talde zabalak osatzen dute: Maria del Barrio mezzosopranoa, Teresa Muñoz sopranoa eta biolin barrokoa, Angel Montero organoa eta espineta, Maria Revuelta sopranoa, gitarra eta perkusioa, David Ortega baritonoa eta Esther Garcia ganba biola. Ziortza-Bolibarren De Clerigos, Sefardies y Trovadores programa aurkeztuko du taldeak. Hain zuzen ere, azken hamar urte inguruan landutako abestiak eramango dituzte kolegiatara. Taldeko kideek azaldu dutenez, “errezitaldia Espainiako musikatik egindako ibilbidea da, Erdi Arotik XVIII. mendera arte, eta arreta berezia jartzen zaio musika sefardiari, gure taldearen bereizgarri izan delako beti”. Izan ere, 2003.urtean, antzinako musika eta musika sefradia zabaltzeko helburuarekin sortu zuten taldea. Bestalde, domekan Andres Cea Galan organo jotzailearen saioa izango da entzungai. Cea musikari nekaezina da, eta ibilbide luze bezain aberatseko pertsona. Espainian, Frantzian eta Suitzan organo jotzaile onenen eskutik ikasi zuen ogibidea, eta nazioarte mailako musikari on askorekin elkarlanean aritutakoa. Madrilgo (Espainia) Unibertsitate Konplutenseko doktorea da. Argitalpen eta disko grabaketa asko egiteaz gain, hitzali eta ikastaroak ematen ibiltzen da, eta baita zenbait erakunderen organoak berritzeko proiektuetan ere, aholkulari moduan. Besteak beste, Espainia mailan, Ecijako Luis Velez de Guevara izeneko Zientzia, Arte eta Letra Onen Errege Akademiako kidea, Andaluziako organo Akademiako zuzendaria, Sevillako Goi Mailako Errege Musika Kontserbatorioan akustikako irakaslea eta Cuencako Ordenako Julian Organoko Nazioarteko Akademiako irakaslea da.

Zapatuan egingo dute Ziortzako kontzertuen lehen emanaldia

Bizkaia

Umeen gastuak elkarrekin ordaintzen dituzten guraso bananduek ezingo dute aitorpen bateraturik egin

Zergen bidez etxea eskuratzen laguntzea baina diputazioak etxerik ez sustatzea erabaki dute Batzar Nagusiek

Alokabidek emakume bat etxegabetu du Bilboko Atxuri auzoan

Kultur politikez hausnartuko dute hainbat adituk Bilboko Guggenheim museoan, azaroaren 5ean eta 6an

Kulturaren eraldaketarako gaitasuna nabarmendu dute Bilboko Arte Ederren Museoaren irekiera ekitaldi ofizialean

Ainhoa Markinez eta Alexander Ordeñana gailendu dira Durangoko mendi duatloian

«Gezurra da: estoldak ez zeuden garbi»

LABek etxebizitza eskubidea defendatu eta «errentismoa amaitzea» exijitu du Bilbon ere

Euriak gainezka egin du Bilbon

Milaka lagun batu dira Santurtzin, Ander Saenzen heriotza dela-eta erantzukizuna exijitzeko

Lehiarik gabeko zirkuitua egingo dute urrian Bizkaiko bertsolari gazteek

Athleticek irabazi du Euskal Herria Txapela

Bilboko Arte Ederren Museoaren irekiera: erlojuaren kontra osatutako betikotasun bat

Arrizabalaga: «Eskola kirolean ez da ehizatzen, eta ez zaie animaliei tratu txarrik ematen»

Bilbon kanpatuek eskatu dute kalean jarraitzeko eta mobilizazioetan parte hartzeko