Ondarroako Udalak martxan jarri du jaietako kartel lehiaketa
Ondarroako Udalak antolatutako 2015eko Andra Mari jaiak iragartzeko kartel lehiaketan parte hartu nahi dutenek, horretarako aukera izango dute beste urte batez.
Irabazleak 500 euroko saria lortzeko aukera izango du, eta interesatuek uztailaren 10a aurretik aurkeztu beharko dituzte beharrak udal erregistro orokorrean. Lanak pertsonan emateko aukerarik ez dutenek postaz bidaltzeko aukera ere izango dute, honako helbide honetara idatzita: Ondarroako Udala – Jaietako kartel lehiaketa – 48.700 Ondarroa
Edonork parte hartu dezake lehiaketan. Kartelaren gaia librea eta edozein teknika erabili ahal izango dela gogoratu du udalak. Behar guztiak A-3 neurriko aurkeztu beharko dira, euskarri gogorrean edota paperean.
Tituluari dagokionez, nahitaez 2015eko Ondarroako jaiak izango da, eta letra txikiagoan Andra Maixak testua agertu beharko da. Udalak nabarmendu duenez, egile bakoitzak lan bakarra aurkeztu ahal izango du.
Lehiaketari edo oinarriei buruzko informazio gehiago nahi izanez gero Ondarroako Udalagaz jarri beharko da harremanetan (94-683 36 72).
Iazko kartel irabazlea. Egilea: Ion Burgoa Etxaburu
