Udalekuak, Lekeition, LHko maila guztietako umeentzat
Udal Aisialdi Zerbitzuaren eskutik, udalekuak egongo dira uztaila osoan LHko maila guztietako umeentzat. Hilabete osoa ala bi txanda izango dituzte aukeran parte hartu nahi dutenek. Uztailaren 1etik 15era edo uztailaren 16tik 30era izango dira txandak.
Ordutegia 10:00etatik 13:00etara izango da, eta era askotako ekimenak egingo dituzte: txangoak, ur jolasak eta kirol jarduerak, tailer kulturalak, adierazpen tailerrak eta jolas kooperatiboak.
Udaletxeko gizarte zerbitzuetan eman behar da izena ekainaren 9a baino lehen. Izen emate fitxa eta osakidetzako txartelaren kopia ere eraman behar dira.
Informazio gehiago jaso nahi dutenek 94-603 41 00 telefono zenbakira deitu dezakete edo agurtzane-ongintza@lekeitio .eus helbidera idatzi.
Irteera Donostiara
Neguko ludotekari amaiera eman eta jarriko ditu abian udalekuak Lekittoko Aisialdi Taldeak. Hala ere, oraindik, hainbat ekitaldi antolatuta dituzte ekainean egiteko. Euretako bat, ekainaren 13an Donostiara egingo den irteera.
«Sasoi guztietara irekia dagoen irteera honen asmoa egun pasa egitea da Donostian», azaldu dute aizialdi taldekoek. Goizean zehar Eureka zientzia museora joango dira, eta arratsaldean Donostia ezagutuko dute.
09:00etan jarri dute irteera ordua, eta 20:00etan bueltatuko dira. Bakoitzak bere janaria eraman beharko du, eta autobusaren eta Eureka museoaren sarrera 12 euro ordaindu beharko dira.
Irteerara joan nahi duenak, Gazte Gunean edo Ludotekako zerbitzu orduetan eman ahalko du izena ekainaren 6a baino lehen.
Ludoteka eta kideguneko partaideek Kurtxiara egindako mendi irteera. Argazkia: Lekittoko Aisialdi Taldea
