Karmen Saria zesta-punta txapelketa jokatuko da Markina-Xemeingo jaietan
Urtero modura, zesta-punta partida bikainak ikusteko aukera egongo da bihar, [uztailak 16] Karmen Egunean, Markina-Xemeinen. Aurtengo honetan, afizionatu mailako hiru pelotari onenetakoek Karmen Saria jokatuko dute beste bost profesionalekin batera. Afizionatuak Jokin ARBE eta Jon ZABALA (Filipinetan jokatutakoa) markina-xemeindarrak eta ANTXON Alberdi Etxebarriako aurrelaria dira. Profesionalak, berriz, AIMAR Aldazabal berriatuarra eta AEBtik etorritako lau pelotari: Eñaut SALEGI eta Jonathan Etxebarrieta ETXEBA markina-xemeindarrak, Iker FORONDA gasteiztarra eta Ruben BAILO nafarra.
Bihar finalerdiak jokatuko dituzte, eta domekan [uztailak 19] izango dira finalak, eta egun bietarako sarrerak 15 euro balioko dute. Partidak 18:00etan hasiko dira.
Biharko finalerdietako partidak hauek izango dira:
Iazko Karmen Egunean Uni frontoian jokatu zen zesta-Punta partida.
- ARBE-SALEGI/FORONDA-ZABALA
- AIMAR-ETXEBA/ANTXON-BAILO
- Roke-Lekue/Gaizka-Uranga
- Gotzon-Jon/Goixarri-Alonso
- Goenaga-Andonegi/Urrejola-Diaga
