Maialen Saezek eta Alex Ojangurenek irabazi dute Ondarroako itsas lasterketa

2015/07/20

Ondarru igeri taldekoak pozik geratu dira aurten Ondarroako 30. itsas lasterketak izan zuen parte hartzeagaz. Izan ere, inoizkorik parte handiena izan du zeharkaldiak: hainbat igeri taldeetako 500 lagun inguru izan dira bertan izena eman dutenak. Uretara dzanga egiten lehenak gaztetxoak izan ziren. 2001 urtetik beherakoek 600 metro egin behar izan zituzten igerian. Lehenengo mutilak aritu ziren, eta haien ostean, nesken txanda izan zen. Helmugaratzen lehenak Urbat taldeko Maite Barruetabeña eta Jon Osa izan ziren. Barruetabeñak 6 minutu eta 9 segundo eta Osak 5 minutu eta 57 segundo behar izan zituzten proba amaitzeko.

Emakume nagusiak uretara dzanga egiten

Gazteek proba amaitu orduko, nagusien txanda izan zen. 1.600 metro egin behar izan zituzten igerian. Lehenengo gizonezkoek egin zuten uretara dzanga, eta haiek lehenengo buiara heldu zirenean, emakumeen txanda izan zen. Helmugaratzen lehenak Fortuna taldeko Maialen Saez eta Alex Ojanguren izan ziren. Saezek 21 minutu eta Ojangurenek 19 minutu eta 14 segundo behar izan zituzten, hurrenez hurren. Emakumeen artean Ioar Urkiri Urbat taldeko ondarrutarraren marka ere aipatzekoa da. Urkiri hirugarren sailkatu zen 22 minutu eta 16 segunduko denboragaz.

Gaztetxoak uretara dzanga egiten

Horien guztien atzetik, txikienen txanda izan zen. Askorek lehenengo aldia zuten eta pozez gainezka egin zuten metro gutxi batzuk izan zituen lasterketa. Momentu hunkigarriak Momentu hunkigarri ugari bizi izan ziren zapatuan [uztailak 18] Ondarroako Arrigorri hondartzan. Uneoro Elena Fernandez Iturrioz igeri taldeko sortzailea eta bultzatzailea gogoratu zuten bozgorailuetatik. Haren bizitzako hainbat momentu gogoratu zituzten, besteak beste. Hainbat urtez bere ikasle izan zirenek, esate baterako, batera helmugaratu ziren eta kiroldegiko bere lankideek ere parte hartu zuten proban.

Ainhoa, Josu eta Kepa Arrizabalaga oroigarria jasotzen

Sariak banatzen, Kepa eta Ainhoa seme-alabak aritu ziren eta bukaeran, haren senideek merezitako omenaldi xumea jaso zuten erabat hunkituta eta txalo artean. Igeri taldeko arduradunek lore sorta bat eta oroigarri bat eman zien. SAILKAPENAK Seniorrak

Emakumezkoak
1. Maialen Saez (Fortuna); 21:00:46
2. Nerea Egia (Fortuna); 21:47:59
3. Ioar Urkiri (Urbat); 22:16:12
Gizonezkoak
1. Alex Ojanguren (Fortuna); 19:14:45
2. Pablo Etxeberria (Izarraitz); 19:34:61
3. Xabier Gordoa (Oñati); 20:48:93

Gazteak

Emakumezkoak
1. Maite Barruetabeña (Urbat); 06:09:37
2. Ane Las Heras (Fortuna); 06:25:40
3. Iara Urkiri (Urbat); 06:40:46
Gizonezkoak
1. Jon Osa; 05:57:22
2. Iker Arrieta (Fortuna); 06:20:25
3. Kimetz Bergaretxe (Elgoibar); 06:24:44

Masterrak

Emakumezkoak
1. Adriana Campoy (Fortuna); 22:55:00
2. Leire Ceciaga (Izarraitz); 23:17:65
3. Esti Hernandez (Tabira); 26:41:87
Gizonezkoak
1. Oscar Abad (Judizmendi); 20:05:14
2. Arkaitz Barriola (Fortuna); 21:30:58
3. Rafael Zubelida (Izarraitz); 21:34:68

Beteranoak

Emakumeak
1. Natividad Iraizoz (Kairoscore); 26:41:00
2. Arantza Burgoa (Ondarru Igeri Taldea); 28:21:23
3. Miren Vazquez (Kairoscore); 28:28:64
Gizonezkoak
1. Rafael Loiola (Kairoskare); 20:55:59
2. Mikel Etxeberria (Donostia); 21:32:44
3. Iñigo Arizti (Judizmendi); 22:37:34

Lehen ondarrutarrak

Emakumezkoa: Ioar Urkiri (Urbat)
Gizonezkoa: Ander Rodilana (Ondarru)

Zaharrenak

Emakumezkoa: Maria Rosario Tomasena (Kairoscore)
Gizonezkoa: Carlos Santana (Donostia)

Azken helmugaratu direnak

Emakumezkoa: Begoña Crespo
Gizonezkoa: Periko Goenaga

[nggallery ID=275]