'Lekittarra' eta 'Antiguako Ama' Kontxarako sailkatzen ahaleginduko dira
Arraun denboraldi luzearen ostean, traineruak azken txanparako prest daude. Hain zuzen ere, Kontxako hitzordu handia irailaren 6an eta 13an jokatuko da, hurrenez hurren, Donostiako uretan.
Hartara, irailaren 3an bertan parte hartzeko sailkapen estropada jokatu beharko dute traineruek. Antolatzaileek aurreratu dutenez, aurten inoizkorik parte hartzaile gehien egongo da. Guztira, 35 traineru izango dira: gizonezkoetan 24 eta emakumezkoetan 11.
Sailkatze proban parte hartzen lehenak emakumeak izango dira, bi multzotan banatuta. A multzoan lehiatuko dira Zumaia, San Juan, Getaria-Zarautz, Orio, Hibaika eta Cabo eta B multzoan parte hartuko dute Donostiarrak, Hernanik, Oiartzungo Itsaslapurrak, Chapelak eta Colindresek.
Gizonezkoen sailkatze probari dagokionez, 18:00etan hasiko da. Talde hauek ariko dira A multzoan: Bermeo-Urdaibai, Portugalete, San Juan, Sanpedrotarra, Zierbena, Getaria, Kaiku, Hondarribia, Orio, Astillero, Cabo eta Tiran-Pereira. B multzoan, aldiz, Isuntza eta Ondarroa egongo dira. Honako taldeen aurka ariko dira: Amegrove, Castropol, Ares, Deusto-Bilbao, Mugardos, Hibaika, Oiartzungo Itsaslapurrak, Pedreña, Zarautz eta Zumaia.
Sailkatzen direnek irailaren 6an eta 13an bandera lortzeko aukera izango dute.
Antiguako Ama traineruko arraunlariak. Argazkia: Ondarroa Arraun Taldea
Lekittarra traineruko arranulariak. Argazkia: Aitor Ortiz
