Lehenengo eguna: Kuadrillen eta Anteroren jaitsiera

2015/09/01

Pozik eta gogotsu jaitsi dira Lekeitioko kuadrillak, gaur arratsaldean, Telefonikatik plazara 2015eko San Antolin jaiei hasiera emateko. Era guztietako mozorroak soinean, suhiltzaileek, piratek, aingeruek, naufragoek… Anteron txamarrotia doinuagaz dantzan egin dute ibilbide osoa Lekitto Musika Banda eta Aittitta Makurra txarangaren doinuei jarraituz. Koldo Goitia alkatearen berben ondoren bota du txupina Karmen Piñelek. Lekeitioko eskulan taldeko kideak «jaiak ondo pasatzeko» esan die plaza betetzen zuten herritar guztiei. Haren ondoren jaitsi da Antero kanpandorretik, eta udaletxeko balkoitik agurtu ditu lekeitiarrak gozokiak ere botata. Oihan Vegak eman ditu jakitera kuadrillen sariak. Aurtengo irabazleak, Caribeko piratak. Saria eraman dute bai eta ere ijitoen ezkontza irudikatu dutenek eta Air plane Lekittok.