Arrakasta handiagaz ospatu dute IV. Artzabal Surf Eguna Karraspion

2015/09/21

Ia 100 ume eta gaztek hartu zuten parte Artzabal Surf Elkarteak zapatu goizean antolatu zuen surf ikastaroan. Eguraldi onak lagunduta, goizean goizetik batu ziren ume eta gazteak elkarteak hondartzan jarrita zeukan izena emateko mahaiaren aurrean. Erreki janak ere lagun asko erakarri zituen. Horrela, 200 plateretik gora atara zituztela jakitera eman dute antolatzaileek.

Artzabal Surf Elkarteak zapatu goizean emandako iksataroa. Argazkia: Artzabal Surf Elkartea

Taldeetan banatuta ibili ziren surf-a ikasten gaztetxoak. Zortea izan zuten gainera, goizean gutxienez metro eta erdiko olatuak izan zituzten eta. Txapelketa Arratsaldeko surf txapelkaten berriz, ez zuten olatu gehiegirik eduki. Umeen txapelketa egin zuten hasteko, 12 urtetik beherakoena, eta helduena ondoren. Denetara, 25 surflarik hartu zuten parte norgehiagokan, txanda bakoitzean bostek, eta azkenean, Jon Piñel Artzabal Surf Elkarteko kidea izan zen irabazlea.

Errekiak eta txosna Karraspioko aparkalekuan. Argazkia: Artzabal Surf Elkartea

Itsasoak ez zien gauzak erraz jarri surflariei, olatu txiki-txikiak egon ziren eta. Horrela, surflari bakoitza bere tablagaz joan bazen ere, ikastarorako eraman zituzten tablekin parte hartu behar izan zuten parte hartzaileek. Olaturik ez zuten eduki, baina, ikusleak bai. Hainbat kuadrilla batu ziren hondartzan lehiaketa ikusteko. Kontzertuak Txapelketagaz baina, ez zen amaitu Karraspioko giro ona. Lehiaketa amaituta, The Loon Vagos taldearen surf kutsuko musikaren doinuek bete egin zuten Karraspioko aparkalekua, eta atzetik DJ Foski eta DJ Toki etorri ziren. Halan, gauerdira arte luzatu zen surfaren jaia.

The Loon Vagos taldearen kontzertua Karraspioko aparkalekuan. Argazkia: Artzabal Surf Elkartea

Ekitaldiagaz oso gustura geratu dira Artzabal Surf Elkartekoak, eta eguna aurrera ateratzen lagundu dieten guztiei eskerrak eman nahi izan dizkiete: Mendexako eta Lekeitioko Udalei, Dzingua Kirol Ekintzak, Dzingua Surf denda, Otoio kirolak, eta Mikel kirolak dendei eta Kai Alde Elkarteari.