Pedro Miguel Etxenikek hitzaldia eskainiko du Ondarroan
Zientziaren Giltzak elkarteak antolatuta, eguaztenean egingo du berbaldia Etxenikek, Beikozinin. Solasaldiak ordu bete iraungo duela aurreratu duteOndarroako Zientziaren Giltzak elkarteak antolatuta, Pedro Miguel Etxenike fisikako katedradunak hitzaldi...
Zientziaren Giltzak elkarteak antolatuta, eguaztenean egingo du berbaldia Etxenikek, Beikozinin. Solasaldiak ordu bete iraungo duela aurreratu dute
Ondarroako Zientziaren Giltzak elkarteak antolatuta, Pedro Miguel Etxenike fisikako katedradunak hitzaldia eskainiko du eguaztenean, 18:30ean, Ondarroako Beikozinin.Elkarteak orain arte antolatu izan dituen gainerako hitzaldien moduan, Etxenikeren berbaldia ere doan izango da. «Elkartea sortu genuenean, hitzaldiak eman ahal zituztenen zerrenda handi bat egin genuen. Zerrenda horretan ondarrutarrak eta ondarrutarrak ez zirenak zeuden. Etxenike horien artean zegoen», azaldu dute elkarteko kideek. Halaber, Etxenikek hainbat gauza interesgarri kontatuko dituela esan dute.
Elkartearen helburua zientziaren inguruan zer edo zer kontatu ahal dutenei tartea egitea da. «Ondarrutarrak diren eta maila edota lanpostu on bat duten herritar asko daude. Baina horiei buruz ez da asko berba egiten herrian. Bada, guk, horiei ere tartea egin nahi diegu».
Elkartea aurten hasi da martxan eta orain arte egindako hitzaldiekin gustora daudela diote. «Datorren urterako gauzak findu egingo ditugu, maina momentuz, egindakoagaz pozik gaude».
Hitzaldi ez formalak izaten direla diote. «Zer edo zer hartzen dugun bitartean gauza interesgarriak entzuteko aukera eman nahi diegu herritarrei».
Erantzuna, «ona»
Herritarren erantzuna ere ona izan dela diote. «40 lagun inguru biltzen dira hitzaldian eta kontuan hartuta Bilbon egiten dutenean 500 lagunek parte hartzen dutela, ba biztanleria kontuan edukita, proportzioan ondo dagoela uste dugu».
Oraingoan Etxenike ekartzea lortu badute ere, hurrengo hilabeteetarako ere hizlariak lotzen dabizela diote. «Ondarrutarrak direnei edota ez direnei ere deitu eta ordu beteko berbalditxoa eskaintzeko prest dauden galdetzen diegu».
Horrela ba, herritarrei eguaztenean Beikozinara joateko gonbitea egin nahi izan diete elkartekoek.
