IV. Emakumeen Mundu Martxa Bilbora helduko da domekan
Martxoaren 8an abiatu zen Emakumeen Mundu Martxa, Kurdistanetik. Eta urriaren 17an Lisboan amaituko da. Lea-Artibaitik igaroko ez bada ere, Busturialdean egingo du geldialdia martxak; urriaren 3an Gernika-Lumora ailegatuko da. Izan ere, irailaren 28tik urriaren 4ra arte Euskal Herrian barrena dabil martxa feminista. Martxak Gure gorputzak, gure territorioak lema dauka eta lau ardatzetan banatuta daude aldarrikapenak: Sistemarteko indarkeria, bizitzaren iraunkortasuna, gorputzak eta sexualitateak eta sarean lan egitea eta aniztasuna kudeatzea.
Martxak pertsonen osotasuna, aniztasuna, eskubideak eta asktatsunak errespetatzeko aldarria egiten du eta horregatik guztiagatik, Ondarroako Etxelila Emakumeen Topalekuak ere atxikipena eman nahi izan dio. “Animatu eta eman atxikimendua”: http://emakumeenmundumartxa.eus/atxikimendua-eman
Bide beretik, urriaren 4an Bibon egingo den ekitaldi nazionalera joateko deia ere luzatu dute. Eta nola ez, urriaren 17an Lisboan egingo den martxaren amaierako ekitaldirako ere deia zabaldu dute. Izan ere, Euskal Herritik autobusak antolatuko dira azken ekintza horretara joateko.
Emakumeak Mutrikun Abian taldeak ere deialdi hori egin nahi izan du Mutrikun. «Bilbon egingo dena itzela izango da, eta bateko zein besteko ekintzetara joateak merezi duela uste dugu».
Emakumeen martxak euskarazko webgunea ere badauka, bai eta webgune orokorra ere. Egitaraua ere ikusgai dago.
Horrez guztiaz gain, Bandera moreak kantua egin du Perlak taldeak martxa feministarako, Uxue Alberdiren hitzekin.
