Olazko eulien arazoari irtenbide bat eman nahian dabiltza auzotarrak eta Mutrikuko Udala
Mutrikuko Olatz auzokoek bertan dagoen euli izurriteari irtenbide bat emateko eskaerarekin jarraitzen dutela jakitun, Mutrikuko Udalak auzotarrekin batera indarrak batzea erabaki du. Auzotarrek laguntza begi onez ikusi dute, eta hartara, arazoari irtenbidea emateko lehen pausoak ematen hasiak dira.
Atzo [irailak 29], esate baterako, Gipuzkoako Foru Aldundiko arduradunekin batzartu ziren sei auzotarrek osatutako taldea eta Jose Angel Lizardi alkatea. Lizardik nabarmendu duenez, auzotarren kexei babesa ematera joan zen. “Gure baserritarrak babesteko asmoarekin joan nintzen. Haien eskariei indarra emateko”.
Lehen batzar hori Xabier Arruti Gipuzkoako Foru Aldundiko Nekazaritza eta Landa Garapeneko zuzendari nagusiarekin egin zuten. Alkateak agertu duenez, aldundiko ardurdadunek ondo ulertu zituzten baserritarrek emandako argudioak eta egindako eskariak. “Gaiaren inguruan jakitun daudela esan digute, eta euren aldetik ere laguntza jasoko dugula”.
Martitzenean [irailak 29] hartu ziren erabakien artean, bi urrats nagusi izango dituen plan berezi bat prestatu beharko dela adostu zuten. Lehenik eta behin, txosten juridiko bat prestatu beharko dela nabarmendu du Lizardik. “Txosten horren arabera, bisoi haztegiak ezarritako arauak betetzen ez baditu, udalak enpresari lizentzia kendu edo ez erabakitzeko zer eskumen dugun jasoko du, besteak beste”. Txostenari dagokionez, berau ahalik eta azkarren jasoa eduki nahi dute udal ordezkariek. Hala, aholkularitza enpresekin harremanetan hasita dago udala.
Planaren bigarren urratsa, ordea, hainbat agente batuko dituen mahai bat osatzea izango litzateke. Mahai horretan bakoitzaren iritziak jaso eta interes guztiak bat egiten ahaleginduko dira. Modu horretara, Olazko auzotarrak kezkatzen dituen gaiari jarraipen estua egingo litzaioke.
Mahai horretan, hain zuzen ere, gaiarekin zerikusia duten agente guztiek parte hartzeko proposamena egin dute. Aldundiko hainbat adituez gain, auzotarrak eta udala ere batuko ditu.Horrez gain, mahai horren barruan bisoi haztegiko enpresako kideek ere parte hartzea beharrezkoa ikusten dute udal ordezkariek. “Gure aldetik, enpresari parte hartzeko gonbitea egiten diogu. Izan ere, denon artean adostasun batera iritsi nahi dugu, arazoari behin betiko irtenbidea emateko”.
Olazko auzotarrak protestan
Martitzenean [irailak 29] hartu ziren erabakien artean, bi urrats nagusi izango dituen plan berezi bat prestatu beharko dela adostu zuten. Lehenik eta behin, txosten juridiko bat prestatu beharko dela nabarmendu du Lizardik. “Txosten horren arabera, bisoi haztegiak ezarritako arauak betetzen ez baditu, udalak enpresari lizentzia kendu edo ez erabakitzeko zer eskumen dugun jasoko du, besteak beste”. Txostenari dagokionez, berau ahalik eta azkarren jasoa eduki nahi dute udal ordezkariek. Hala, aholkularitza enpresekin harremanetan hasita dago udala.
Planaren bigarren urratsa, ordea, hainbat agente batuko dituen mahai bat osatzea izango litzateke. Mahai horretan bakoitzaren iritziak jaso eta interes guztiak bat egiten ahaleginduko dira. Modu horretara, Olazko auzotarrak kezkatzen dituen gaiari jarraipen estua egingo litzaioke.
Mahai horretan, hain zuzen ere, gaiarekin zerikusia duten agente guztiek parte hartzeko proposamena egin dute. Aldundiko hainbat adituez gain, auzotarrak eta udala ere batuko ditu.Horrez gain, mahai horren barruan bisoi haztegiko enpresako kideek ere parte hartzea beharrezkoa ikusten dute udal ordezkariek. “Gure aldetik, enpresari parte hartzeko gonbitea egiten diogu. Izan ere, denon artean adostasun batera iritsi nahi dugu, arazoari behin betiko irtenbidea emateko”. 
