Antonio Alustizaren 'Jai' txakurra nagusi Muniozgurengo VIII. Artzain Txakurren Txapelketan
Aresoko Jose Antonio Alustiza artzainaren Jai txakurrak egin zuen lanik onena Muniozgurengo (Ziortza-Bolibar) zelaian, atzo goizean [urriak 11] , izan zen lehiaketan. 188 puntu lortu zituen Alustizaren txakurrak, bigarren gelditu zen Enrique Mendigurenen Riki txakurrak baino puntu bat gehiago.
Jose Mari Bengoaren Eder txakurrak eskuratu zuen hirugarren postua. 181 puntu lortu zituen gipuzkoarraren txakurrak. Jose Antonio Alustizak bi txakur eraman zituen artzain txakurrean arteko norgehiagokara, eta laugarren geratu zen Bat. Bosgarren eta seigarren Angel Azkorbebeitiaren Txati eta Juan Egurrolaren Bat geratu ziren hurrenez hurren.
Sei parte hartzaile izan ditu aurten Muniozgurengo VIII. Artzain Txakur Txapelketak, eta lan polita egin zuten txakurrek artzainen esanetara. Txapelketaren ostean, gainera, lagun arteko bazkaria eta erromeria egon ziren Muniozgurenen Lutxurdio eta Aitziber trikitilariekin.
SAILKAPENA
Jose Antonio Alustiza saria jasotzen. Argazkia: Ibon Errazu Uria
Jose Antonio Alustiza txapelketako irabazlea eta bere txakurra lanean. Argazkia: Ibon Errazu Uria
- Antonio Alustizaren Jai txakurra: 188 puntu.
- Enrique Mendigurenen Riki txakurra: 187 puntu.
- Jose Mari Bengoaren Eder txakurra: 181 puntu.
- Antonio Alustizaren Bat txakurra: 146 puntu.
- Angel Azkorbebeitiaren Txati txakurra: 133 puntu.
- Juan Egurrolaren Bat txakurra: 92 puntu.
