Ondarroako Zaldupeko harrizko eserlekua, labezomorroen gotorleku
Ondarroako Zaldupe futbol zelaiaren aurrean dagoen zuhaitza inguratzen duen harrizko eserlekua labezomorroz betetzen da iluntzen duenean. Egunez eserlekua betiko modura agertzen bada ere, gauez labezomorroz betetzen da.
Zehatz esanda, harrizko eserlekura ateratzen dira intsektuak, harrien artetik. Eta ez hiru edo lau. Asko eta asko izaten dira, eta harrien tarteak erabat belztuta geratzen dira; labezomorroek guztiz betetzen dituzte zuloak.
Gainera, intsektu handi gehienak harri artean egoten badira ere, txikienak behegainetik, zuhaitzaren azpiko belar gunean… ibiltzen dira.
Zenbait herritarrek jakitera eman dutenez, gertaeraren berri udalari ere eman diote, «arazoa konpon dezan».
Momentuz, baina, zuhaitza eta inguruak labezomorroen gune bilakatzen dira iluntzen duenean. Egunez, ostera, gotorleku aproposa daukate, harri barruan.
Labezomorroak, harri artetik ateratzen.
Labezomorroak, Zaldupen.
Ondarroako Zaldupe futbol zelaiaren aurreko harrizko eserlekua; egun argiz labezomorrorik ez da ikusten.
