Te Zeremoniaren espiritua lau berbagaz azaldu zuen Sen Rikyu Japoniako Te Zeremoniaren maisuak XVI. mendean: harmonia (wa), errespetua (kei), araztasuna (sei) eta lasaitasuna (yaku). Lau sentimendu horiek nagusi dira arte bat bezala deskribatu daitekeen zeremonia xume baina aldi berean detaile txikiez betetakoan. Gonbidatua te gelara sartzen denetik berak eta anfitrioiak bete beharreko portaerazko jarraibideak ugari dira. Errespetua, esker ona eta bihotza daude guztien oinarrian.
Uhagon kulturgunean egindako Te Zeremonia Eiko Kishi maisuagaz.
Japoniako Te Zeremonia bertatik bertara ikusi eta ezagutzeko aukera izan zuten markina-xemeindarrek joan den barikuan
Eiko Kishi maisuaren eskutik. Te Zeremonia bat erakutsi zuten, hasteko, eta amaieran galderak egiteko aukera egon zen.
Eiko Kishi maisua.
Isil-isilik ikusi zuten Uhagon kulturgunean batutakoek zeremonia, eta gero, ohitura zaharraren xehetasunetan murgildu ziren. Te trinko eta te mehea hartzearen arteko ezberdintasunak, tea hartu aurretik goxo bat edo jatekoa hartu behar dela eta tea hartzeko zeremonia parte hartzaile guztientzako momentu garrantzitsu bat dela, bihotzez egin beharrekoa, azaldu zituen besteak beste Eiko Kishi maisuak.
Kirigami paperezko eskulan tailerrak
Te Zeremoniagaz gainera, Japoniako beste arte eta teknika batzuk ezagutzeko aukera egongo da. Asteburuan, esate baterako,
Kirigami papera guraizez ebakitzen sortzen diren japonia jatorriko eskulan-artea erakutsiko dute. Familiei zuzendutako eskulan tailerrak Herri Bibliotekan emango dira,
17:00etan zapatuan eta
12:00etan domekan.
Bestalde,
Japoniako argazkien erakusketa ikusgai dago kulturgunean.
Japoniako argazkien erakusketa Uhagon kulturgunean.