Hegaztiak ikuskatzeko irteera egingo da Ondarroan
Ondarroako Turismo bulegoaren eskutik, Aieriko padura inguruetan dauden txoriak eta hegaztiak ikuskatzeko irteera egingo da domekan [azaroak 29].
11:00etan Turismo Bulegotik irten eta bi ordu inguru iraungo duen bisita gidatuan hainbat espezie ikuskatzeko aukera edukiko dute bisitariek. Bisitak Diego Mendoza hegaztietan adituak gidatuko ditu eta ibilbidea “erraza” izango dela aurreratu dute. Hegaztiak hobeto ikuskatzeko, gainera, prismatikoak eramatea gomendatzen da.
Irteera doakoa izango da, eta adin guztietako herritarrei zuzenduta dago. Urteko azken-aurreko bisitan parte hartzeko interesa dutenek turismo bulegoan eman beharko dute izena, domeka aurretik. Erreserba egin edo informazio gehiago nahi izanez gero, Ondarroako Turismo Bulegora jo (Erribera 9, Kofradia Zaharra), 94-683 19 51 telefono zenbakira deitu edota turismobulegoa@ondarroakoudala.net helbidera posta elektroniko bat bidali beharko da.
