Mutrikuko Bai Txo! elkarteak 'Euskaraz bizi nahi dut' banderolak jartzeko deia egin du
Nazioarteko Euskara Eguna iritsi aurreko giroa berotzen hasteko, Mutrikuko Bai Txo! euskara elkarteko kideek Euskaraz bizi nahi dut leloa duten banderolak etxeetako zein eraikinetako balkoietan zintzilikatzera animatu dituzte herritarrak. “Abenduaren 3an Euskararen Eguna ospatuko dugu. Animatu banderola zure etxeko balkoian jartzera”.
Euskaraz bizitzeko nahia azaleratzen duten banderolak Mutrikuko Agerretxo oinetako dendan (Erdiko Kalea, 9) eskuratu daitezke, 3 euroren truke.