38. Euskal Zine Bileraren balorazio baikorra egin du Lekeitioko Udalak
Zortzi egunetan zehar 1.600 ikusle pasatu dira zinema aretotik, eta aurtengo lehiaketara lan ausart eta kalitatezkoak aurkeztu direla nabarmendu dute. “38. Euskal Zine Bilera euskal zinemagileen topalekua izan da beste behin ere. 15.000 eurorekin saritu dugu film laburren sorkuntza, eta badakigu datozen euskarazko filmeak egiteko baliagarria izango dela”.
Amaiera ekitaldia, sari banaketa. Argazkia: Josu Trueba Leiva/ Bostok Photo
Euskal Zine Bilerak bere bi helburuei bete betean kolpe diela adierazi dute: “Hasiberriei bidea egiten laguntzen gaude eta sektore profesionalarentzako ezinbesteko bilera bihurtu dugu gure jaialdia”.
60.000 euroko aurrekontua eduki du euskal zinemaren jaialdiak aurten eta jaialdian parte hartzen duten norbanako eta erakundeen lana eskertu nahi izan dute. “Oinarrizko ekimen kulturala da Lekeitioko Udalak antolatzen duen Euskal Zine Bilera. Lekeitioko herri honetatik egiten duguna, Euskal Herrira eta mundura begira”, azpimarratu dute.
38. bileraren balorazioa eginda datorren urteko bilera prestatzen hasi direla aitatu du udalak, eta jaialdia hilabete aurreratzeko asmoa dutela aurreratu dute, urrira.
