World Cheese Awards-eko zilarrezko domina irabazi du Leartiker eta Saskagoin kooperatibek garatutako rulo gaztak

Markina-Xemeingo Leartiker zentro teknologikoak eta Saskagoin Kooperatiba Elkarte gaztandegi txikiak elkarlanean garatutako ardi latxa esneaz eginiko rulo gaztak zilarrezko domina irabazi du munduko gazta txapelketarik ezagunenean: World Cheese Awards.

Saskagoin kooperatiba elkarte txikiak, Leartiker kooperatibako Malen Sarasua elikagaien teknologia arloko esneki berritzaileen garapeneko adituaren aholkularitza teknologikoa izan du. Dibertsifikazio proiektu hau Eusko Jaurlaritzako Elikagaien Industria eta Kalitate Zuzendaritzaren Berriker 2014 dirulaguntza programaren baitan burutu dela azaldu dute egileek.

“Gazta berri honek mundu mailan prestigio handieneko txapelketan zilarrezko domina irabazi izanak produktua merkaturatzeko orduan ongi posizionatzen lagunduko dio gaztandegiari“, adierazi dute Leartiker kooperatibakoek.

Leartiker eta Saskagoin Kooperatibek garatutako rulo gazta. Argazkia: Leartiker

Leartiker eta Saskagoin Kooperatibek garatutako rulo gazta. Argazkia: Leartiker