Europar Batasunak %21,5 murriztuko du legatzaren kuota, hasieran iragarritakoa baino gutxiago
Bi egun negoziatzen eman ostean, datorren urterako kuotak zeintzuk izango diren bart [abenduak 16] goizaldean zehaztu dituzte Europar Batasuneko Arrantza ministroek. Isabel Garcia Tejerina Espainiako Nekazaritza, Ingurumen eta Elikagai ministroa pozik agertu da Bruselan arrantza kuoten gainean arintzea lortu delako. Tejerinaren iritziz, Batzordeak Espainiako flotarentzako proposatu zituen kuotak hobetzea lortu dute.
Hartara, 2016ra begira, hasiera batean proposatutakoa baino murrizketa txikiagoak adostu dira. Legatz kuotari dagokionez, esate baterako, %60,5 murriztu ordez, %21,5 murriztuko da azkenean. Honenbestez, datorren urtean 6.946 tonako kuota izango da Espainiak, 2015an baino ia 2.000 tona gutxiago.
Legatzaz gain, beste hainbat espezietan ere murrizketak egongo dira. Berdelaren kasuan murrizketa espero gaino txikiagoa izango da; %40 jaitsi ordez, %15 gutxiago harrapatu ahal izango da 2016an.
Bestalde, batzordeak zapoari ezarri nahi zion murrizketa ere leuntzea lortu du Espainiako Exekutiboak, %19koa izatetik, %14koa izango baita. Oilarraren kuotak, aldiz, ez du ia murrizketarik izango; %26 jaistea proposatu bazen ere, azkenean, %1eko murrizketa izango du.
Txitxarro gehiago
Arrain espezie asko harrapatzeko hainbat murrizketa negoziatu badira ere, 2016an igo egingo dute txitxarroaren kuota. Modu horretara, Espainiako kuota 15.441 tonako izango da iparraldean, eta 17.744 tonakoa penintsulako uretan. Bakailaoaren kasuan, aurtengo kuotaren antzerakoa izango da datorren urtean, baina Norvegiarekin negoziatu beharko dela aurreratu dute.
Murrizketa hori ikusita, arrantza kuotak kaltetutako floten artean banatzeko eskatu diote Espainiako Arrantza Ministerioari, eta, aldi berean, malgutasun mekanismoak bermatzeko, flotek beraien interes eta aukeren arabera elkar konpentsatzeko akordioak egin ahal izatea ere eskatu dute.
Bestalde, eta euskal flotaren “etorkizuneko antolaketari” begira, exekutibo autonomoak komenigarritzat jotzen du Ministerioak ahalik eta lasterren antxoa eta hegaluzearen arrantza kuotak banatzea. Era berean, Jaurlaritzaren iritziz “beharrezkoa” daa Europako erabaki organoetan presentzia zuzena edukitzea, “euskal flotaren interesak zuzenean defendatu ahal izateko”.
Arrantzaleak berdela deskargatzen Ondarroan
Bruselan arrain espezie asko harrapatzeko hainbat murrizketa negoziatu badira ere, 2016an txitxarro gehiago arrantzatu ahal izango da. Eta bakailaoaren kasuan, aurtengo kuotaren antzekoa izatea aurreikusten daBestalde, Bizkaiko Golkoan arrantzatzen den antxoaren kuota aztertzeko konpromisoa hartu du Bruselak, baina horretarako, Espainiako eta Frantziako arrantza sektoreen arteko akordioa egon beharko da. Urte zaila euskal arrantzaleentzat Leandro Azkue Eusko Jaurlaritzako Arrantza zuzendariaren iritziz, urte zaila izango da datorrena. Jaurlaritzak “zuhurtasunez” baloratu du 2016an euskal arrantza kuoten banaketaren gainean Europar Batasuneko ministroek Bruselan hartutako akordioa. Izan ere, euskal arrantzaleentzat “interesgarrienak” diren espezieen kuotak, hau da, antxoaren eta hegaluzearen kuotak ez dira aldatu. “Hala ere, hegoaldeko legatzaren kuota %22 murriztu da eta berdelarena %15; Ondarroan eta Pasaian errotutako flota zati batentzat hain garrantzitsuak diren espezie horien arrantzari dagokionez, murrizketa horiekin arrantzaleek aukera mugatuak izango dituzte”.
Antxoa, Ondarroako portuan
