Santa eskean aterako dira Lea-Artibai eta Mutrikuko bizilagunak
Iristear da herriak kantez girotzen dituen egutegiko hitzordua: Santa Ageda eguna. Otsailaren 5ean ospatuko dute egun hori, baina bezperan aterako dira hainbat eta hainbat kalera euren doinuez alaitzen. Beste hainbatek, berriz, astebururako utziko dute zeregin hori. Asko leku jakin batean bilduko dira, gero, auzo eta kaleetara mugitzeko.
Herriko elkarte, talde, eragile zein norbanakoak izango dira, beste urte batez, herriari bizia emango diotenak. Ume, gazte zein nagusiak ibiliko dira herriko txoko ezberdinetatik makilari eutsita, eztarria berotzen. Baina horiez gain, Lea-Artibai eta Mutrikuko eskoletakoek ere erakutsiko dute abesteko grina, kalera irtenda.
Berriatua
Markina-Xemein
Mutrikun iaz Santa Eskean ateratako herritarrak, Goiko Plazan.
- Otsailak 3: 09:00etan, herriko umeak kantuan aterako dira.
- Otsailak 6: 10:00etan, baserriz baserri koplatan; 13:30ean, bazkaria Mendibarren frontoian; 15:00etan, kantuan hasi; 20:00etan, gaztetxoentzako txokolate jana zentralean; 21:00etan, Montxorra eta jaia; 01:00etan, edonor koplatan.
- Otsailaren 4an, 17:00etan, plazan elkartuko dira, bertatik auzoetara kantari joateko.
- Otsailaren 4an, 18:30ean, Galarrenatik aterako da Preso eta iheslarien aldeko santa ageda; 19:00etan, Lekeitioko kanta taldea Zaletxuen lokalean bilduko da; 20:00etan irtengo dute abestera, Eskolapetik.
Berriatuko Santa Eskea, iaz.
- Otsailaren 4an, 17:00etan, San Roke aurrean abestuko du Xemein Gazte Ahots Abesbatzak, eta gero alde zaharrean zehar ibiliko da; 18:00etan, elkartearen lokaletik irtenda herrian zehar ibiliko dira kantuan Markina-Xemeingo Guraso Elkartekoak; 18:30ean, San Roken hasiko da abesten Xemein Abesbatza.
- Otsailak 3an, 19:00etan, Santa Ageda entsegua, Txokoan.
- Otsailaren 4an, 10:40ean, entsegua, Txokoan; 11:00etan, Santa Ageda kantari, Txokotik hasita.
- Otsailaren 4an, 19:30ean, kalez kale kantari ibiliko dira Kantaiza abesbatzako kideak bertsolari eta Unanue Musika Eskolako trikitilarien laguntzagaz
- Bertso eskolatik, hiru talde aterako dira: lehenengo taldea Imanol Lekunberri eta Iñigo Arrizabalaga koplariekin (goiz eta arratsalde kalean ariko dira); bigarren taldea Angel Mari Peñagarikano eta Laxaro Astigarra koplariekin (Olatz eta Ibiri bailaretan); hirugarren taldea Jexux Mari Irazu eta Orlando Arreitunandia koplariekin (Astigarrabia, Olabarrieta eta Laranga bailaretan).
- Mijoa auzoko taldea: Iñaki Apalategi eta Xabi Astigarraga koplariekin (Goizean Galdua bailaran ariko dira, eta arratsaldean, Mijoan).
- Otsailaren 6an, 15:00etan, plazan batuko dira kantatzeko.
