‘Eskamak kentzen’ telesailaren aurrestreinaldira autobusez joan ahalko da, Mutrikutik

2016/02/09

Euskal Telebistaren Eskamak kentzen telesailaren aurrestreinaldia hilaren 17an izango da, 19:00etan, Donostiako Victoria Eugenia antzokian. Telesailaren zati batzuk Mutrikun eta mutrikuarrekin grabatu dutenez, aurrestreinaldira joateko autobusa antolatu dute, Mutrikutik. Zehatz esateko, telesailaren lehenengo kapituluaren aurrestreinaldia izango da Victoria Eugenian aurkeztuko dutena. Aurkezpen horretan, gainera, telesailean parte hartzen duten aktoreak, zuzendari eta arduradunak egongo dira. Autobusean izena emateko Mutrikuarrek aurkezpen hori zuzen-zuzenean ikusteko aukera edukiko dute. Izan ere, hara joateko autobusa antolatu du EiTBk. Egunean bertan, 18:00etan aterako da autobusa, goiko geralekutik. Itzulera, berriz, saioa bukatutakoan izango da. Horretarako, herritarrek turismo bulegoan izena eman beharko dute, zapatu arratsaldea orduko. Ordutegia ondokoa izango da: eguaztena eta eguena, 10:00etatik 14:00etara, eta bariku eta zapatuan, 10:00etatik 14:00etara eta 16:00etatik 18:00etara. Sarrerak erreserbatzeko Autobusean joan edo ez, sarrerak aurretiaz erreserbatu behar dira. Eta horiek erreserbatzeko ere, herritarrek turismo bulegora joan beharko dute, aurretiaz aipatutako ordutegian. Hemen Mutrikun egindako grabaketa batzuetako irudiak: