Ondarroako Radixu Irratiak 48 orduko irratsaioan parte hartzeko deia egin du
Radixu Irratiak bere 25. urteurreneko ekimenak antolatzen jarraitzen du, eta urtero egin ohi modura, 48 orduko irratsaio etengabea egitea erabaki dute. Irratiko arduradunek aurreratu dutenez, irratsaio berezia otsailaren 26an, 20:00etan hasiko da, eta hilaren 28an, 20:00etan amaitu.
48 orduko emisioan egun irratsaioak dituztenen irrati zaleek parte hartuko dute, baina horiez gain, azken 25 urteotan Radixun ibilitakoei ere gonbidapena luzatu nahi izan die antolakuntzak. Interesa duenak irratiko kideren batekin jarri beharko du harremanetan edota Radixu Irratiko Facebook orrira mezu pribatu bat bidali, eskaeragaz. Bestalde, Artabide kalean dagoen Noya tabernan ere izena emateko zerrenda zabalik dago.
Radixu Irratia zuzenean entzuteko klikatu irudia!
