Artile bilketa solidarioa egingo dute Mutrikun
Mutrikuko Zabiel Eskulan taldeko kideek iragarri dutenez, Lesboseko (Grezia) siriar errefuxiatuentzat artilezko lepokoak eta txapelak egingo dituzte, baina horretarako, artilea behar dutela jakitera eman dute.
Ahalik eta artile gehien biltze aldera, bilketa solidarioa egingo dute hurrengo asteotan. “Etxean soberan dituzuen artile haril horiek ongietorriak izango dira. Ez dio inporta hasita baldin badaude ere, denak beharko ditugu eta”.
Ekimen solidarioan lagundu nahi duten herritarrek artile harilak elkarteak Erdikokalen (Zabiel kultur etxeko sotoan) duen egoitzara eraman ditzakete, astelehenetik eguenera, 16:30etik 20:30era.
