Batukada moreak zeharkatu ditu Markina-Xemeingo kaleak

2016/03/12

Arkupetik irten eta Guen Kalean zehar ibili ondoren Zelaiaren aurrean amaitu du ibilaldia Markina-Xemeingo batukadak gaur eguerdian. Giro ona jarri du kaleetan zehar orain dela hile gutxi martxan jarri zen talde berriak.

Batukada morea gaur goizean Markina-Xemeingo Guen Kalean zehar. Argazkia: Bagaittun

Iluntzean ere, atera da batukada kalera, eta Banaka asko gara, alkartute gehixa! lelopean Markina-Xemeingo kaleetan zehar egin den manifestazioari lagundu dio. Martxoaren 8aren harira hainbat ekitaldi egin dira Lea-Artibaiko herrietan asteburu honetan ere. Atzo iluntzean, esate baterako, K-Tum-K batukadak jarri zuen martxa Aulestin, eta ipuin kontalaria egon zen Berriatuko udal liburutegian. Markina-Xemeinen, Berriz, Emarock erakusketari hasiera eman zioten proiekzio emanaldi bategaz eta kontzertua ere eskaini zuten.

Emarock Kontzertua, atzo Uhagonen. Argazkia: Uhagon kulturgunea

Bestalde, herriko hainbat emakume sortzaileren lanak egongo dira ikusgai Markina-Xemeingo erakusleihoetan, martxoaren 13a arte. Ondarroan Emakume egunaren harira asteburu honetarako antolatutako ekintzak bertan behera geratu dira Kamiñaldeko lur jausiak herrian eragin duen egoera dela eta.