Lander Ibarluzea 'Aitxuluak' irabazi du Lekeitioko Galarrenako Kopla Txapelketa
Hamar bertsolarik hartu dute parte Galarrenak lehenengoz antolatu duen bertsolari txapelketan. Aissa Intxausti, Aitor Ruiz, Aitzol Goitia eta Iraitz Bilbao Pepi bertsolari lekeitiarrak, Ispasterko Gorka Madarieta Katxa, Etxebarriako Lander Ibarluzea Aitxulua, Jone Larrinaga mungiarra, Txaber Altube Abadiñokoa, Malen Amenabar erdi larrabetzuar eta erdi azpeitiarra eta Peru Vidal algortarra atera ziren joan den bariku gauean [maiatzak 6], Galarrenako agertokira.
Peru Vidal, Aitxulua, Malen Amenabar, Jone Larrinaga, Txaber Altube eta Aissa Intxausti pasatu ziren bigarren fasera, eta Aitxuluak eta Txaberrek lortu zuten buruz burukorako pasea. Txapela, azkenik Etxebarriko bertsolariarentzat izan zen. Publikoaren saria, berriz, Peru Vidalek eraman zuen.
Lander Ibarluzea Aitxulua bertsotan Galarrenako I. Kopla Txapelketan.
