Joseba Artza etxebarritarrak irabazi du Udaberriko faseko azken aurreko kanporaketa
Zapatuan [maitzak 14] jokatu zen Bizkaiko Bertsolari Txapelketaren Udaberriko fasea Arrigorriagako Lonbo aretoan. Horretan, Joseba Artza Etxebarriko bertsolaria izan zen nagusi.
183,5 puntugaz irabazi zuen saioa Artzak. Arkaitz Zipitra Hego Uribeko bertsolaria izan zen bigarrena, 168,5 puntugaz. Hirugarren, laugarren, bosgarren eta seigarren postuak Unai Mendiburuk (Uribe Kosta), Ander Aldazabalek (Durangaldea), Igor Galartzak (Durangaldea) eta Galder Bilbao Txapik (Uribe Kosta) lortu zituzten, hurrenez hurren; 160,5, 155, 148 eta 125,5 puntu lortu zituzten.
Zapatukoa zortzigarren kanporaketa saioa izan zen eta Lonbo aretoan jokatu zen. Bizkaiko Bertsolari Elkarteko kideek jakitera eman dutenez, saioa “giro ederrean” egin zen.
Domekan [maiatzak 22] jokatuko da Udaberriko faseko azken kanporaketa, 17:30ean, Getxoko Fadura kiroldegian. “Kanporaketa horregaz amaituko da Udaberriko fasea, eta bertan jakingo dira zeintzuk izango diren Udagoieneko fasera pasatuko diren bertsolariak”.
Joseba Artza Etxebarriko bertsolaria, Arrigorriagako kanporaketa saioan. Argazkia: Bizkaiko Bertsolari Elkartea.
Artza, Arrigorriagako saioan. Argazkia: Bizkaiko Bertsolari Elkartea.
