Kaiku eta San Juan, Ondarroa eta Mutrikuko estropadetan onenak

2016/05/16

Bizkaiko eta Gipuzkoako trainerillen estropadak jokatu dira asteburuan Ondarroan eta Mutrikun. Ligaxkako 5. eta 6. jardunaldiak lehiatu dituzte Ondarroan zapatu-domekan, eta Mutrikun, aldiz, 5.a, domekan. Deustuk lortu zuen garaipena, zapatuan, Ondarroako uretan egin zen gazte mailako mutilen arteko norgehiagokan. 16:14,85 denbora egin zuten. Nagusi mailan gizonezkoetan, aldiz, Kaiku izan zen azkarrena 14:49,50 denbora eginez. Ondarroako trainerilla, lehen hiruren artean egon zen. Kaikurengandik 27 segundotara sartu ziren Ondarroakoak.

Trainerillen norgehiagoka Ondarroako uretan. Argazkia: Josu Arrate

Atzo [maiatzak 15] lehiatu zen seigarren jardunaldian, berriz, Kaiku izan zen onena. Gazte mailan mutiletan 16:11,91 denbora egin zuen eta gizonezkoetan senior mailan ere, garaipena errepikatu zuen Kaikuk 14:38,82 denbora lortuta. Gipuzkoako liga Gipuzkoako ligari dagokionez, gizonezkoetan gazte mailan, Getaria A izan zen nagusi (15:23,35) eta emakumezkoetan absolutu mailan (16:15,84) eta gizonezkoetan senior mailan (14:06,81) San Juan izan zen onena. Mutrikuko taldeak Ligatik kanpo lehiatu zen Gipuzkoa Federazio Kopan parte hartu zuen. Seigarren geratu zen Mutrikuko Trainerilla.