Ondarroako Dinamartxan eta Kamiseta Azokan izena emateko epeak jakitera eman dituzte
Ekainaren 25ean egingo da Ondarroak 19. Zapato Azule. Eta horren baitan egingo diren 19. Dinamartxan eta 19. Kamiseta Azokan parte hartu nahi dutenek noiz eta nola izena eman ahalko duten jakitera eman du Radixu Irratiak.
Dinamartxari dagokionez, ibilbidea bizikletaz edo mendiz mendi egingo dutenek ekainaren 20an, 21ean edo 22an izena eman beharko dute, 19:00etatik 21:00etara, Musika Plazan. Izen emateak 15 euro balio ditu, eta kamiseta nahi dutenek 13 euro gehiago ordaindu beharko dituzte.
Martxa mendiz mendi egin nahi dutenentzako, aldiz, leku mugatua dago. Izan ere, antolatzaileei iragarri dutenez autobus bakarra aterako da, 53 lagunekin.
Kamiseta Azoka. Beste alde batetik, Kamiseta Azokan parte hartuk nahi dutenek ekainaren 10a izango dute izena emateko azken eguna. Horretarako, interesatuek telefonoz deitu (94-613 43 53 – 685 76 97 83) edo posta elektroniko bat bidali ahal dute (luterl@outlook.com).
18. Kamiseta Azoka.
Urtero egin modrua, Kamiseta Azokara aurkezten diren kamiseta guztien artean bi sari banatuko dira: Euskal Herriko eta Ondarroako kamiseta onenak. Botoak partaideek emango dituztela aurreratu dute Radixukoek.
Azokan egongo direnek ekainaren 25ean 10:00etatik 11:00etara izango dute erakusmahaia montatzeko aukera; azoka 11:00etatik 15:00etara egongo da zabalik. “Erakusmahaiak Radixu Irratiak ipiniko ditu, eta partaide bakoitzak bere lekua txukuntzeko telak eta abar ekarri ahal ditu”.
