Euskal Erromeriak kolorez, dantzez eta doinuz jantzi du Mutriku
80 dantzarik baino gehiagok parte hartu dute Gure Ametsa dantza taldeak antolatutako jaian. Eguraldia lagun, eguerditik gauera arte luzatu da festa giroaBeste behin ere, Gure Ametsa dantza taldeak herriko bazter guztiak alaitzea lortu zuen zapatuan. 80...
80 dantzarik baino gehiagok parte hartu dute Gure Ametsa dantza taldeak antolatutako jaian. Eguraldia lagun, eguerditik gauera arte luzatu da festa giroa
Beste behin ere, Gure Ametsa dantza taldeak herriko bazter guztiak alaitzea lortu zuen zapatuan. 80 dantzari inguruk parte hartu zuten egun osoan egin ziren dantza ikuskizunetan. Eta bazkaltzen 74 herritar inguru bildu zirela jakitera eman zuten Gure Ametsako arduradunek. Eguraldia lagun, eguerditik gauera arte luzatu zen festa giroa Mutrikun.Beheko Plazan hasi zen txistu hotsa, 12:30ak pasatxo. Eta panderojoleak, txistulariak eta trikitilariak aurrean zituztela, dantzariek Goiko Plazarainoko bidea egin zuten. Goiko Plazan dantza saioa eskaini zuten, atsedenaldi bat eginez. Eta ostean, berriro ere Beheko Plazara jaitsi ziren. Han ere beste dantza ikuskizun bat eskaini zuten.
Oinei atseden emateko, frontoira abiatu ziren, bazkaltzera. Bazkalosteak luze jo zuen, eta nola ez, dantzarako tartea ere egon zen. Dena dela, euria ari bazuen ere, Miruaitzetik irten eta gero ere festak aurrera jarraitu zuen.
