Landareekin krema egiteko tailerra emango dute Etxebarrian
ETX kultur elkarteak antolatuta landare krema tailerra egongo da zapatuan [ekainak 4], Etxebarrian. Udaletxe aurreko plazan batu eta landare bila joango dira parte hartzaileak hasteko, eta gero, kremak erretiratuen elkartean egingo dituztela jakitera eman dute antolatzaileek.
15:30ean jarri dute ordua batzeko Plaza Barrin eta 17:30ean hasiko dira kremak egiten erretiratuen elkartean. Tailerra Xabi eta Aitor Bereziartua anaiek emango dute, eta Sanjuanera izeneko krema egingo dutela aurreratu dute. «Erredura, min eta azaleko arazoentzat onuragarria».
Kalendula, azeri buztena, berbena belarra, asunak eta larraren puntak erabiliko dituzte beste landara batzuren artean krema egiteko. Bakoitzak bere ontzia eraman beharko du.
