Literatura landuko dute hilekoa ardatz izango duen tailerrean
Hilekoaren inguruan egoten diren uste, tabu eta solas literario eta artistiko ezberdinak jorratuko ditu Ainhoa Aldazabal Gallastegi Euskal filologo, Skolastika taldeko kide eta emakumeen literaturan adituak, etzi, Markina-Xemeingo Herri Bibliotekan has...
Hilekoaren inguruan egoten diren uste, tabu eta solas literario eta artistiko ezberdinak jorratuko ditu Ainhoa Aldazabal Gallastegi Euskal filologo, Skolastika taldeko kide eta emakumeen literaturan adituak, etzi, Markina-Xemeingo Herri Bibliotekan hasiko den Hilekoa idazten eta irakurtzen izeneko tailerrean. Hilekoa ardatz hartuta, generoa eta literatura ikuspuntu feministatik landuko ditu eibartarrak, lau orduko hiru saiotan.
Lehenengo saioa, etzi, 09:30etik 13:30era izango da, eta beste biak urrian eta azaroan egingo direla aurreratu du Herri Bibliotekako arduradunak.
«Ohartu gara ez dela gauza bera odol-isurketak Euskal Herrian edo Tunezen izatea, baina hilekoagaz lotutako esperientzia komunak ere baditugu, eta horri ere helduko diogu ikastaro honetan», azaldu du Ainhoa Aldazabal Gallastegik.
Horretarako material ugari bildu dute. «Alde batetik patriarkatuak hilekoa zergatik eta zertarako isilarazi nahi duen pentsatzera eramango gaituen materiala izango dugu. Beste alde batetik, feminismotik eta emakumeek hilekoa bizitzeko egin dituzten proposamenak ikusi, irakurri eta komentatuko ditugu». Horretarako, historiara, literaturara eta komikietara joko dute, besteak beste.
Tailerra dibertigarria eta dinamikoa izango dela aurreratu dute antolatzaileek, eta liburuak izango dituzte bidelagun, ikasgelan landuko dituzten gaietan sakontzeko.
Lehenengo saioa, etzi, 09:30etik 13:30era izango da, eta beste biak urrian eta azaroan egingo direla aurreratu du Herri Bibliotekako arduradunak.
«Ohartu gara ez dela gauza bera odol-isurketak Euskal Herrian edo Tunezen izatea, baina hilekoagaz lotutako esperientzia komunak ere baditugu, eta horri ere helduko diogu ikastaro honetan», azaldu du Ainhoa Aldazabal Gallastegik.
Horretarako material ugari bildu dute. «Alde batetik patriarkatuak hilekoa zergatik eta zertarako isilarazi nahi duen pentsatzera eramango gaituen materiala izango dugu. Beste alde batetik, feminismotik eta emakumeek hilekoa bizitzeko egin dituzten proposamenak ikusi, irakurri eta komentatuko ditugu». Horretarako, historiara, literaturara eta komikietara joko dute, besteak beste.
Tailerra dibertigarria eta dinamikoa izango dela aurreratu dute antolatzaileek, eta liburuak izango dituzte bidelagun, ikasgelan landuko dituzten gaietan sakontzeko.
