ZuEKIN programa hasiko da Mutrikun, "herrian lanpostuak sortzeko"
Ekintzailetza bultzatzeko eta indartzeko helburuarekin, ZuEKIN 2016 egitasmoa abian ipiniko dute Mutrikun. Astelehenean [ekainak 6] hasita, lau saio egingo dituzte Zabieleko hitzaldi aretoan. Saioetan alor ekonomiko ezberdinak jorratuko dituzte, momentuan beste lekuetan egiten ari direnak ikusi, eredu ekonomiko berritzaileak ezagutu eta ekintzaile ezberdinen esperientzietara gerturatu.
Ekintzailetza lantzeaz gain, udalak formazio berezi bat bultzatu nahi du dauden lanpostuak “mantendu eta sektorearen profesionalizazioa” lantzeko. “Mutriku ekonomikoki suspertzeko pausoak ematea da egitasmoaren helburua”.
Aurten, gainera, merkataritza eta ostalaritza sektoreetan lanean diharduten ekintzaileei ere zuzendu nahi zaie programa. “Sektore hauetan lanean dabiltzanak asko dira herrian, eta gero eta iniziatiba berri gehiago ditugu. Beraz, garrantzitsua iruditzen zaigu sektore hori sendotzen laguntzea”.
Azken urteotan hainbat ekimen egin dira Mutrikun ekintzailetza indartzeko, eta 21 ekintzailerekin lanean jardun dute garapen saileko arduradunek. Horri esker, herrian 8 aktibititate ekonomiko berri sortu dira.
ZuEkin, egitaraua
Mutrikuko enpresa proeiktu lehiaketako irabazleak
