Markina-Xemeingo Karmen jaietan taxi geltokia lekuz aldatuko dute
Karmen jaietan taxi geltokia lekuz aldatuko dela jakitera eman du Markina-Xemeingo Udalak. Horrela, Zelaiaren beheko partetik Frai Bartolomera egingo dute aldaketa. Hain zuzen ere, Donejakue Bideko erromesen aterpetxe aurretik aparkalekuko sarreraraino dagoen tartean egongo dira taxiak.
Aldaketa epe zehatz batekoa izango da; jaietako txosnak, barrakak eta atrakzioak muntatzen hasten direnetik jaiak amaitu eta kentzen dituztenera arte. Gero, taxiak Zelaiaren beheko parteko geltokira bueltatuko dira.
Zelaiko taxi geltokia.
Frai Bartolomera lekuz aldatuko dute jaietan taxi geltokia.
