Udako ludoteka izango dute Ziortza-Bolibarren datorren astean
Astelehenetik barikura, 11:00etatik 13:00etara egongo dira umeak elkarrekin, eta bi begirale izango dituzte.
3 urtetik 12 urtera bitartekoentzat antolatu dute Markola Guraso Elkarteak eta Aranbaltz Kultur Elkarteak, eta udalaren laguntza dute. 3 urtetik beherako umeak ere joan ahalko direla zehaztu dute, baina, beti ere gurasoen ardurapean.
Bihar da izena emateko azken eguna.
Izena emateko telefono zenbaki honetara deitu behar da: 627 858 884. Era berean, Aranbaltz elkartearen helbide elektroniko honetara mezu bat bidalita ere izena eman daiteke: aranbaltz.ke@hotmail.com.
Halaber, antolatzaileei zuzenean esanda ere izena eman ahalko da.
Plazan batuko dira, baina, euria bada aterpean egongo direla azaldu dute.
Ludotekan iraun bitartean ezingo da plazara ibilgailurik sartu.
