Eskolaz kanpoko ekintzen bilerak egingo dira Markina-Xemeinen
Gaur hasita, eskolaz kanpoko ekintzen bilerak egingo dira egunotan Markina-Xemeingo kultur aretoan. Mendi irteeren gaineko batzarra izango da lehenengoa, gaur bertan [irailak 20] 18:00etan, eta ondoren eskubaloikoa edukiko dute kirol horretan parte hartu nahi duten umeen gurasoek.
Eskolarteko Gurasoen Federazioak, urtero modura, ekintzen berri emango du, eta batzarretara joateko ahalegina egitea eskatu diete gurasoei, “ekintzak denen artean aurrera ataratzeko”.
Bileren ordutegia hurrengoa da:
- Gaur [irailak 20], 18:00etan, Mendi irteerak.
- Gaur [irailak 20], 18:30ean, Eskubaloia.
- Bihar [irailak 21], 18:00etan, Futbol 7.
- Astelehenean [irailak 26], 18:00etan, Atletismo.
- Astelehenean [irailak 26], 19:00etan, Gimnastika Erritmikoa.
- Martitzenean [irailak 27], 18:00etan, Karate.
- Eguaztenean [irailak 28], 18:00etan, Psikomotrizitatea.
