Ondarroako Gure Esku Dago-k arraunlariekin grabatuko du bideoa
Joan den astean egin modura, bihar [irailak 23] ere Ondarroako Gure Esku Dago-k Parte hartukot bideoa grabatzen jarraituko du. Biharko bigarren grabaketa, baina, arraunlariekin izango dela aurreratu dute. Eta herritarrei grabaketa horretan parte hartzeko deia egin diete; 17:00etan batuko dira, arraun elkartearen aurrean.
«Gure nahia parte hartzearen nahia da. Aniztasuna egotea nahi dugu; bakoitzak pentsatzen duena pentsatuz, Gure Esku Dagoren filosofiagaz bat egiten duen ondarrutar oro etortzea nahi dugu», diote. Horregatik, hain justu, oraingoan ere deialdi zabala egin dute.
Grabazioaren emaitza urriaren 15ean moilan egingo duten jaialdian erakutsiko dute. Eta auzolanean prestatzen ari diren jaialdi horretan ezustekoak egongo direla ere aurreratu dute.
Ondarrutarrak, joan den astean, Alamedan egindako grabaketan
