San Migel jaietako ospakizunak, Amoroton

2016/10/01

Elexaldeko San Migel ermitan mesa entzun eta gero, Arta Nagusi dantza taldekoek girotu dute goiza gaur [urriak 1] Amoroton. Ikusleek pastak jan eta zer edo zer edaten zuten bitartean, dantzariek hiruzpalau pieza dantzatu dituzte. Gainera, zorteko izan dira amorotarrak. Izan ere, batzuk mezan zeuden bitartean euria ari bazuen ere, meza amaitu eta dantza saioa hasi behar zenean atertu egin du; eguzkia ere atera da, segundu batzuetarako izan bada ere. Bazkaria izan da herritarrek eduki duten hurrengo hitzordua. Izatez, plazan bazkaldu behar zuten, baina eguraldia zela eta, frontoian bazkaldu dute. 70 lagun inguru bildu dira eta giro ona izan da nagusi.